Ko avdisutno dikhiba an i Ambasada tari Republika Montenegro an i RM tari rig e O.E. Predrag Mitrovič sine udžardo o Presidenti an o IRU o Zoran Dimov.
Ko vakti e dikhibaske taro duj riga sine sikavdo čalipa vash kerdi kolaboracia thaj i džiakanutni praktika tari koordinacia.
Ko pervazia e vizitake o Zoran Dimov sikavgja i Nevi andi Strategiakoro Pervazi thaj Programa taro IRU 2016-2020 berš thaj prezentiringja o aktivitetia thaj aktia so kerel o IRU ko anava e Romenge an i sasti lumia akcentea taro Roma taro Montenegro.
O ambasadori o Mitrovič akcentirinela kaj legarel majbari sama upral o Roma an o Montenegro thaj olengiri integracia ko sa sasoitnipe.
Ko jekh alcentirinela kote sa si majtikno o nivelo taro incidentia upral etnikani funda thaj vakergja kaj si faisalkerdo o problemi e incidentea kote ko starti akale nilaeske sine kerdo fizičko thaj verbalno atako upral romano čhavo tari rig e duj themutnenge taro Montenegro numa sa odova agorkergja kanonikane preka krisoskere sankcie.
Ko thavdipa e dikhibaske o duj riga angje konkluzia kaj ka keren zori vash majbai integracia e Romenge sar an o Montenegro agjaar sakote an i Europa thaj an i lumia thaj o Montengero sako drom ka ovel tari rig e IRU-ske ko olakere avutne plania thaj aktivitetia.
O ambasadori Mitrović bičhavgja apelo dži ki Romani jekhin an o Montenegro te na uštel o nivelo tari migracia soske i them kreirinela politika bašo olengoro majbaro nivelo bukjarnipa thaj majbaro ekonomikano biathinalipa.
