Home Uncategorized Nura Ismailovska šubikerela: “O Kajtazi korkoro vazdel pe bukja kaj ov kergja...

Nura Ismailovska šubikerela: “O Kajtazi korkoro vazdel pe bukja kaj ov kergja te len bilovengere sikljojbaskere lila o Roma an i Hrvatska”

30
0

I Nura Ismailovska so si an i partia taro Milan Bandić, šubikerela e Veljko Kajtazi soske kerel peske korkoro baripa kaj ov kergja bizo love te den pe lila školake e siklenge Romenge , thaj notiringja kaj akava akti si “naetičko thaj nakorketno” 

O Kajtazi idž erati šubikergja e Ismailovski kaj ko romane mahale dela love e Romenge te kinel olengere votia.

I Ismailovski akcentirinela kaj o Kajtazi ko plo FB profilo an o para[tui havljargja fotosi kote hramosargja kaj kergja sa o romane sikle te oven olen bilovengere [kolsko lila thaj an i signatura telel tergjola sine “Veljko Kajtazi, o čačutno manuša amenge”.

-Taro odola fotosia šaj te anel pe konkluzia kaj o Veljko Kajtazi korkori čhivel peske epolete kaj ov si odova so arakhlja o bilovengere sikljojbaskere lila e romane čhavenge , soske odova sine oleskiri intencia – vakerel i Ismailovska.

O čačipa si kote palo dendo propozalo taro dizjakoro šerutno e Zagrebeske o Milan Bandič , e Komunakoro Konsilo angja decizia kote i diz Zagreb ka arakhel bilovengere lila sikljojbaske sa e Romenge sikle an i Hrvatska so džana ko fundavno thaj maškarutne škole an i Hrvatska.

– Jekhutne o Roma sar educirime dizutne šaj te oven jekh a jekh an o hrvatsko sasoitnipa. Soske o Kajtazi ko vakti taro oleskoro mandato na kergja le?.

tegani sine le suporto tari oleskiri legarutni koalicia a na kergja khanči? pučela i Ismailovska.

– Nane korektno thaj naetičko te kerel hohavipa kaj ov odova kergja, a odova sine dendo propozalo tari rig e rajoske Bandić, a o deputatia tari Kajtazeskiri koalicia ko vakti taro votiba sar protesto iklile taro Parlamento.

Odoleske pakaja kja o Roma ko čačutni forma ka dikhen sar kerel buti o Kajtazi- vakergja i Ismailovski.

 

Link http://www.vecernji.hr/izbori2016/nura-ismailovski-veljko-kajtazi-si-pripisuje-zasluge-za-besplatne-udzbenike-za-rome-1111630

 

LEAVE A REPLY

Please enter your comment!
Please enter your name here