O Roma tari Zenica trubul lenge majlačhe tretmano. O Taib Šerifovič , pendžardo prekal o špic anav Tito palo prandina e 49 romnjencar akana mangel te khuvel an i politika
Beršencar o Roma tari zeničko mahala Radakovo pakjana kaj o dživdipa an o odola purane barake si salde nominalno than dživdipaske. Ki jekhto forma savoren si učharin upral o šero. keren zori o purane barake te adaptirinen len dživdipaske numa odova džala but phareste.
Električno energia isi okolen so pukjinen i struja a okola so nane len sar te pukjinen, arakhen sar so džanena.
Ko pašipa kerne pe neve aprtaminia e Romenge Numa odothe šaj džana salde okola so si len love. Olendar rodena thaj po 5,6 7.000 marke (paše 3.500 eura) te šaj khuven ki lista e apartmanenge.
Odoleske o romano Tito, majpendžardo sar o zeničko Don Žuani angja decizia te khuvel ki politika.
-Mande savore pendžarena man thaj trubul mange salde suporto taro mle Roma . Me mangav e manušen thaj pakjava kote sakoneske trubul te del pe šansa. Majnaglal mangav te khuvav ko Konsilo e komunake sar deputato thaj agjar šaj te dav suporto e Romenge, akcentirinel o Tito.
Sar avutno političari mangel te iranel i nekanutni atmosfera kana sar presidento sine o Tito. Numa džanel kaj odova si akana but phareste. Numa so te ovel i Zenica ka ovel la šajdipa te šunel an i politika e Titoskoro krlo.
Link: http://www.oslobodjenje.ba/vijesti/bih/kad-tito-ode-u-politiku/178027
