An i lista taro čhave so chdingje ko jekhto klasi tari fundavno edukacia ki škola Alija Nametak an o Saraevo trujal o anava ko jekh siklo hramosardo si kaj si preperutne taro romano nacionaliteti thaj jekhutne si notirime ko asavki forma.
Tari škola vakerel pe kaj kerel pe lafi baši tehničko anomalia.
-Na manglem nikaste te etiketirina . Amen siem škola kote isi baro numero romane čhave so džan an i akaja škola thaj si ničale an i edukacia – notiringja i direktorka e školake i i Mediha Beširevič.
Oj vakerela kote kerele pe lafi baši anomalia taro pedagogia thaj majpakjavutne odoja lista dengja la dži ko profesoria sar plani bukjake.
Akaja lista taro čhave i direktorka chidingja la taro udar so tergjol sine anglal i škola. Akava si tehnikani anomalia . mande sar pedagogo but holjankergja ma akava – vakergja i Beširevič.
Liparibaske si kote i Konvencia kote i BiH si la dendo signatura panda ko 2005 berš i them dela obligacia e Romenge te arakhel šartia ko respektiriba e manušikane hakoa.
Aso o informacie taro Romane NGO an i BiH isi paše 80.000 Roma.
