Kana o UNESKO havljargja o 5 Novembro sar Internacionalno dive e Romane čhibjake ko 2015 berš, a taro 2018 berš , 16 thema membria ko Konsilo e Europakoro verifikujngje i romani čhib sar minjoritetengiri čhib prekal Europakiri povelba bašo regioonalno thaj minjoritetengere čhiba, akava dive notirinela pe ko majbaro kotor an i Europa thaj i lumia.
Ko dola pervazia thaj i R.Utarali Makedonia pobuter aktivitetencar notirinela akava dive. Jekh olendar si ki organizacia taro RDICM thaj o Netvorko sistemsko thaj savakteskere faisalia e Romane jekhinake an i Utarali Makedonia , suportoa taro makedonikano goveremnti ka notirinen akava dive ko 6 Noemvri Palokurko startoa taro 10 o časo.
O notiribe ka overl k Filološko fakulteti „Blaže Koneski“ ko Skopje.
Prekal o organizatoria ko akava akti piro lafikeriba ka ovel uće reprezentoa taro makedonikano govermenti, taro parlamenti , nekobor ministeriumia, reprezentoa taro učeedukkaciakere institucie thaj avera. Invitacie si em bašo diplomatdsko kor em but aver sar so si o NGO sektoro, političko partie thaj avera.
Ka ikerel pe tikno historikano notacia vaš akava dive thaj akademsko časi an i tema: „ Progresia e Rmane čhibjake thaj literatura“. O organizatori ka kerel em performansi banerencar em ilustracie bašo historikano momentia akale diveseske. Ko agor ko jekh ka den pe Plakete bašo institucie em individualcia so kergje arakhiba e Romane čhibjake. O moto akaleberšeskoro notiribe e 5 Noemvri si: I Romani čhib, darhi e romane identeteske“
