O lidero tari Civilnikani inicijativa “Srpski opstanak” Aleksandar Arsenijevič thaj o vice prezideno e minjoritetenge an I komina Utarali Mitrovica Skender Sadiku ko trintodi mangle te čhiven o flagoa tari Srbia, Bošnakoa, Roma thaj Turkoa anglal o Govermento tar Kosovo an I Priština. Numa I polici na mukhlja odova. O Arsenijevič thaj o Sadiku insistirinena sine o flagoa te oven čhivde anglal Govermentoi trujal o flago taro Kosovo, USA thaj EU.
O Arsenijevič ko lafikeriba e policijaja vakergja kaj prekal o Ustav taro Kosovo, o Srblie thaj o aver minjoritetoa isi len niami olengere simbolia em rodingje te oven čhivde olengere flagooa so si notirime ko Ustav taro Kosovo. Numa reslja antvorto prekal o Kanoni bašo istemalkeriba themakere simbolia odova na tromala te keren.
