Sako drom del ppe pučiba dali o Dragan J Vučivič si nnormalno manuš. Panda jekh žurnalistikano artiklo taro (dez)Informer, kote gurinel e Romen ki totalno nebuloza. Ka reagirinel li neko? O portalo Informer thaj o žurnalisti Dragan J Vučivič ki esapin taro nainformirime Roma an o Beograd kergja teksti kote o Roma taro romane mahale an o Beograd prezentiringja e Romenge e neve britaniakere premiere o Rishi Sunak vakergja e Romenge kaj leste si len romane darhie . I reakcia e Romengoiri taro beograd ov prezentirinel len ki piri forma. Prekal oleskoro teksti o Roma reagiringje agjaar:
„Definitivno neko amaro Romano te ovel sukcesialo an o dćivdipa“, „Ake dodžakergjam jekh amaro Rom te ovel premieri“, „ Pendžarav le, šukar manušš si, mangava leske but baht“
Aver Roma tari karaburma premal oleste vakjergje: „ Personalno me nadžanava le ama pakjava kaj akana amenge e Romenge ka ovel but pošukare“
Ko lafikeriba avere Romencar o žurnalisti vakergja kaj leske nesave Roma vakergje kaj kana legargja i viktoria o Rishi ki Britanija akate o Roma sine but lošale, em hana sine em piena sine i sasti rakj“
P.S. Te na ovel sine odokhare bibahtalo, ka ovel sine čače smešno
