O president e komunake Vladičin Han o Goran Mladenovič angja decizia 21 septemvri te notirinel le sar dive mazunipaske en I komuna Vladičin Han sebepi o meripa duj terne romane čhave. Ko jekh sikavgja čačutni hoš dži ki familia taro o ratvarde dizutne.
O duj terne romane čhave taro Vladičin Han o Dalibor Milošević (34) thaj Stanislav Antica (21) mule ki phari trafikoskiri bibaht so uli idžerati ko autodrumo Е75 Beograd – Niš, ko pašipa e rudnikoa Aleksinac , a duj terne taro Vlasotince em čhavoro taro 14 berša si phareste ratvarde.
Jekheske taro tratvarde medicinsko arka sine dendi ko sastipaskoro hospitali ko Aleksinac, a o aver duj sebepi o phare ratvarina legarde si ko KBC Niš. Aso o agorutne informacie olengoro dživdipa nane telal riziko.
O kolegia muzičaria thaj ko jekh I sasti Srbia hramosarena traumatično postia prekal o socialno netvorko thaj sikvaena sevdža e familienge taro viktimia.
