Manuš modricencar em šuvljardi jakh kaskere čhave darana em rovena . O Roma tari Romania ko agorutne divesa hulavena video asavke tekstoa ko socialno netvorko.
37-beršengoro Rom taro Pijatra Neamc soo si utarale taro Bukurešt vakerela kaj sine mardo taro policajcia. Mardo si sar so vakerel, ačhavgje o taksi vordon kote sine ov em paldel sine o vordon em na manglja te legitimirinel pe.
O ERRC havljargja akaja informacia taro Libertatea gazeta an I Romania.
O video klip hulavdo ko socialno netvorko taro o aktivisti manušikane niamenge Ciprijan Nekula sikavela sar o Rom ikljola taro policiakoro stasiono, phirela nastabilno, oleskoro gat si ratvalo modrice ko muj thaj I jakh si šuvli, oleskere čhave udžarena le, rovena em darana.
O Rom palo odova telefoniringja ko numero 112 thaj notiringja kaj si mardo taro policajcia. Ko aver video dikhel pe sar legarena le medicinsko vordaja
