O privatno busia ko Skopje bašo trin masekoa na lele love tari Diz Skopje so keren o transporti pire busencar. Odoleske nekobor divesa desave realicie na paldien pire avtobusia em o dizutne si mukhle bizo transporti. Asavki i situacia ko Šuto Orizari kote o busia numero „19“ thaj“20“ na kergje o transport ko agorutne duj divesa.
Pali kerdi reakcia taro o dizutne em avera manuša reslja pe lafi dendo tari diz Skopje kaj taro Paraštui i situacia ka normalizirinel pe. O Roma tari Šutka vakerena kaj te šaj resen ki buti istemalkeren sine taksi transporti. O privatno buseskere transporteria o love lena prekal o JSP Skopje a odori ake jekh kurko nane len direktori palo odova so o dži akanutno direktori Ivan Ilievski persi štartodi dengja ostavka ki piri funkcia palo 6 masekoa sar sine notirime sar dikrektori . Tari diz Skopje na vakerena panda kaste ka anavkeren ki funkcia nevo direktori ko JSP Skopje.
