Sebepi o Internacionalno dive e Romengoro valjani sine te ikerel pe rotali mesali kote na avile e dizjakoro legaripa tari Rijeka em odoleske o Roma holjame gele peske taro Dizjakoro Khedipa kote trubul sine te ikerel pe I rotali mesali sebepi o Internacionalno dive e Romengoro. Sar so akcentiringja o president e Konsileskoro o Suri Mehmeti: “ Amen o Roma nane te ova nekaske sar dekor salde kana trubul olenge. Ladžavo sit e na avel ni dizjakoro šerutno , ni deputatia ni šefi kulturakoro! Na bičhavgje nikaste taro 500 bukjarne ki dizjakori administracia te avel., Ni e higieničarka! Revoltirime komentirinel sine o Mehmeti em o Roma holjame gele peske taro dizjakoro konsilo.
Ov akhargja e khedime Romen te keren jekh fotografia te notirinen I diskriminacia an I Rijeka a palo odova gele peske taro odova than.
