Palo idžeratutni „filmsko“ akcija taroastariba Roma sar čorena kašta taro aktuelno dizjakoro šerutno ko Štiop o Ivan Jordanov o Romano Demokratikano Sojuzi RDS šubikerel akava akti taro dizjakoro šerutno.
„Zoraleste reagirinaja bašo o kerdo idžeratutnpo akti ki transformacia e dizjakere šerutneske ko policajco ki komuna Štip o Ivan Jordanov kana interveniringja ko tereni mujal o Roma vash nalegalno čoriba kašta lenge . Ma te ovel pe feleri havdo o RDS na dela suporto e nalegalno aktenge konektiribaja em o čoriba numa kama te potsetina e tranformirime policajco kaj ko leskoro trujalipa isi em pobare kriminalia em čoripa em nane bilačheste te dikhel em odola aktia em te notirinel olen dži ko institucie.
But pošukar ka ovel ko than tari tumari notacia sar so si:“ Ko akava kotor e dizjake isi but čoriba em čhiniba kašta. Kontinuirime čorela pe em struja, pani em isi bare gunoja. Em mora te čhiva agor akaleske“ amen ka puča tut aver.
„ Dali akala manuša pire manginaja ande si ki akaja deredža?
Ka ovel majproduktivno tumen sar lokalno samouprava te keren hari barem šartia bašo pristojno dćivdipa em funkcioniriba. Odova zančinela te arakhen e Romenge nesavi buti te egzidstirinen em te funkcionirinen. Te keren lenge infrastruktura em ko agor o RDS ka poručinel“ Majnaglal užaren em čhiven agor e „ bare igračenge“ a na akala grupake tarro „BARE čora“ so čoren 2 kubikia kašta.
