O rezultatia tari statistikani operacia Gejnipa ka oven vakerde dži ko agor e masekoske mart. Očla si panda aktia taro keriba buti, soske kerel pe majprofesionalno buti as o internacionalno standardoa baši akaja forma taro statistikane operacie vakerel o direktori taro Ofiso Statistikakre o Apostol Simovski.
Ov vakerel kaj o agorutno rook editiriba o rezultatia tari statistikani operacia Gejnipa si 31 mart 2022 berš so si majharno rook dendo e TOS so sine le kerde buti taro hramovipaskere informacie.
Ov informiringja kaj ki akaja statistikani operacia sine angažirime em internacionalno eksperto tari rig e Europakere Komisijatar . O eksperto sine ko sasto vakti taro gejnipa em implementacia e operaciake a lelja thaj em ko postgejnipaskiri procedura barabutne e ekipaja taro Ofiso baši statistika.
Ov angja konkluzia kaj o TOS profesionalno kergja buti sa o statistikane informacie thaj respektirinen pe sine o internacionalno standardoa o procedure i metodologia thaj aver procedure sebepi so si akava oficijalno statistilka so trubul em ko internacionalno nivelo te ovel hulavdi.
