O popularno giljavutno Adil Maksutovič kop lo Instagrami hulavgja video tari vizita e režisereskiri o Goran Marković thaj o opozicisko kandidati bašo beogradsko dizjakoro šerutno Vlade Jankovič, kote o režiseri kerel lafi te dislocirinel pe o spomeniko taro Stefan Nemanja ki Marinkova Bara jali ki Borča.
– Ko akava video šaj te dikhen em te šunen e pendžarutne jugoslovensko režisere o Goran Markovič sar phravde diskriminirinela sa e manušen so dživdinena ki periferia e dizjake. Prekal mande jekh taro odola notacie si odova kaj: diskriminirinel em teleperavel sarine amen so dživdinaja ki Borča, Ovča, Kotež, Krnjača thaj Marinkova Bara, em indirektno sa okolen so na dživdinena ko elitno kvartia ko Beograd . Diskriminiringja sa amen so na siam naslednikia taro amare babe jail tetke em nane amen bare khera iskompoleksirime odoleske so našti kinaja kher ko Vračar kote si 3000 eura / m2 . .. thaj našti pukinen kiria taro 600-1000 eura ko masek. Čhungarel sine palo bukjarne em gogjaver manuša so phareste egzistirinena em jekhutni opcija sine lenge te dživdinen ki periferia e dizjake kote I kirija si majeftino – hamosarela o Adil.
Ov vakerela em aver odole kvazielitake so but droma teleperavel e patrioten em kerel baro rasizmi.
– Dujto faktori soske vakerav akava phravde si čače bibahtalipe. Dćanav kaj akava “baro manuč” namerno vakergja akala mahale. I “ Marinkova Bara” si beogradsko mahala kote deceniencar dćivdinen o Roma. Ki Borča dćivdinen isto baro numero Roma, Darava kaj akava baro direktori manglja te vakerel :”O Aleksandar Vučić o spomeniko tuke odokhare “romano” so valjani te mukhele ko Roma” Cinično, prefidnom ladćavo, fašistikani notacia.. Akadremsko vokabvularea vakerdo “Latentno rasistikane em špekulirimi notacia taro o Goran Markovič… A palo odova resela demanti taro tipi: “Alooo so kere lafi amala? Pa o Roma si mire phralja!!! Me olen mangava. Dengjum pherdo love e muzikantenge. Hav sine ki lende khere!!! Na vakerav odova” Ama vakergjan le. Šaj sine te vakere “Ka legarav o spomeniko ko Dušanovac, ama na vakergjan le…hramosargja o Adil.
