I grčko policia phajrargja em mudargja 20 beršengere Rome ko savato ko javinakere saatia. O phajrariba ulo pali I trka taro vordona ko kvarti Perama , paščimale tari Atina. Ratvarde si em jekh 15 beršengoro čhavo a panda jekh terno našlja taro odova than.
Efta policajcia dsi akana došperavde sebepi akava mudaripa. Odola policajcia sar so vakeren em sine ratvarde kana gele te brkinen em kergje policisko akcia em phajrariba palo vordon e terne romengoro, ama I policia na vakerel kobor si ratvarde o policajcia.
I brkanica e vordoncar počmingja kana o policajcia mangle te gazinen e 20 beršengere romane čhave sebepi sar so vakeren demek ov čorgja vordon O šoferi na ačhilo em o policajcia gele pala leste motorencar.
Akaja brkanica uli dramatično kana busi alo dži ko šoferi so kergja o vordon te džal maškar 5 policisko motoria vakeren tari I polica.
“I policia palo odova phajrargja pištolencar te šaj ačhol o vordon kote so jekh sine fatalno e šofereske em ratvardo jekh taro tinejdžeria ko vordon so sine legardo ko hospitali ama si averi taro dživdipaskoro riziko” vakerel pe ki vaktavin
