„O albansko antii.romane komično serijalia so dena pe ko TV ko nacionalno nivelo sikaven e Romen sar melale, napakjajbaskere em naintelegentno nacia” vakerel o advokati Denon Cela bašo o duj TV programe so keren natolerancia mujal o Roma majbut i programa ko seriali Portokali ko Top Chanel thaj o Al Pazar ko Visia plus.
O programe khelen pe e karakterea taro Roma em olengoro akcenti ki albanikani čhib so dikhena sare ki TV.
O Europakoro Centro e Romengere niamenge (ERRC) editiringja ki pli web rig statia akale fenomeneske. „ Dži kote ko aver thana ki Europa o parne akteria kale morthikaja sebepi kheliba nane akceptirime m ko akala albansko emisie sa o romane rolje khelena len parne akteria so o muja lengere makhle kalipaja so čače nane šuare” vakerel o Cela.
Asavko anti-romano šou šaj dikhela pe ki čehiakiri čhib prekal o socialno netvorko Facebook tlal o anav „Jútuber Jožka“. I kompania nekobor droma na manglja te blokirinel akala rasistikane videa trujal so sine informirime sako drom te kerel odova.
