Taro 1 septembro počminen te oven validno o neve kanonia te šaj khuve ki Republika Utarali Makedonia. O kherutne thaj o strancia ka šaj te khuven ki teritoria e themake dži kote anglutne ki simantara sikavena sertifikatu kaj si len imunizacia (vakcinacia) bašo virusi SARS-CoV-2, thaj si len majhari duj doze tari vakcina mujal o virusi Covid 19, Sertifikati kaj sine nasvale taro Covid 19 ko agorutne 45 divesa, esapinaja taro kana sastile jali medicinsko dokumenti taro negativ test taro RT PCR SARS-CoV-2, so si kerdo majhari 72 časia angleder te khuvel ki them tergjol ki andi decizia taro Govermenti.
O dizutne tari Makedonia so iranena pe ki them palo 1 septembro a nane len PCR testi jali sertifikati kaj nane len lendo vakcine jali sine nasvalo taro Covid 19 ka oven ko karantini 7 divesa ki kherutni izolacia so ka anel dekreti e Themakoro sanitarno inspektorati.
O stransko themutne so tranzitirinen tari them ka šaj odova te keren le ko roko taro 5 časia so angleder kana ka khuvel ki them ka pherel formulari em ka valjani o formulari te sikavel ole kana ka ikljol tari i them ki granično kontrola.
