Dži angleder jekh berš na dđanen sine niko kaj isi deš džuvla taro romane mahale so ange decizia te bičhaven pire mesažia prekal i muzika em giljajbe. Avdive sasti Srbia, Balkani but šukare džanena ko si akala romane čhija Trujal i Srbia olengere nesažia havgje em i sasti lumia. Angleder i pandemia olen sine len koncerti em ko London a akana sig i storia taro bendi Pretty Loud sine buvljarde em ko mediumia ki Amerika, O niško kotor taro bendi sine len filjabe em ko festivali Art Women.
-Amare mesažia si feministikane. Giljavaja bašo jekh a jekhipe, kobor si importantno i edukacia, siam kontra tikneberšengere pradinenge , diskriminacia em sako forma taro terori. Keraja akana neve gilja ko akava nilaj a isi amen em nekobor koncertiako palonilaj Salde o Kovid ma te buvljargovel ko jekh si amen plania em te kera neve video spotiam vakeren taro bendi.
