O Ofiso statistikake udžarel o definitivno decizia te prolongirinel pe i statistikani operacia -Hramovipa. Odothar vakeren kaj na kamen te den komentari ko phanlo lafi o duj partisko lideria taro SDSM thaj VMRO – DPMNE , o Zoran Zaev thaj o Hristijan Mickovski te prolongirinel pe akava proceso sa dži kote na agorkerel o Parlamentarno procesi.
O direktori tari Statistika o Apostol Simovski vakerel kaj ko interes e procesoske tari statistikani operacia – hramovipa e dizutnehe nane tze del notacie bašo mediumia.
– O propozalo trubul te dikha le ki praktika, vakergja o Simovski.
Premal o ministeri Jurisdikciake o Bojan Maričić o trampe ko Propozalo kanoni e operaciake sine kerdo diskusia ko dikhiba e drektorea Apostol Simovski em oleskere vice ministerea o Ilmi Selami.
– O trampe si ko duj pučiba, a odova si i data tari operacia kote ko jekh kotor tergjola ko than taro 1 dži ko 21 april ka hramosarel ќtaro 5 dži ko 30 deptembro a ko kotor taroi dijaspora ka šaj džala pe majodoria te registirinen pe taro 1 mart kana startujngja dži ko 30 septembro kana trubul te agorkerel o terensko aktivitetoa taro procesi, vakerel o Maričić.
I procedura si akaja – kana o Govermenti ka akceptirinel la ki pli bešin , o Kanoni e operaciake ka del pe dži ko Parlamenti.
– Sebepi so nane bare trampe udžaraja o Parlamenti siga te akceptirinel. Sebepi o urgentnost ko momenti so si anglal o starti tari akaja statistikani operacia sar so sine anglutne ka ovel europsko flagoa em tikno akti. Odolea ka šaj te kera kote idžerato sine phanlo lafi ko dikhiba, Akava akti ka našti te blokirinel pe te den pe milja amandmanoa, vakergja o Maričić,
