Ko akana sig kerdo parlamentarno alusariba ko Kosovo so ikergje pe ko 14 fevruari akava berp bari viktoria legargja i partia taro Albin Kurti em “Korkorooredeliba” . Ko akalaberšeskere alusriba than lele 28 politikane subjektoa. Bašo 120 thana ko parlamenti ko alusariba iklile 1.068 kandidatoa.
Maškar olende sine em kandidatia Roma. Prekal o oficialno raporto tari Themakiri alusaribaskiri komisia ko Kosovo ko parlamento than lele em duj romane deputatia, Ko akala alusariba deputatia ule o Fadil Gaši so reslja 1928 vote, a o dujto i Hatidža Gjorgjević 713 vote. I Hatidže si i avgo romani džuvli deputati ko Kosovakoro parlamenti.
