Ko 9 januari 1968 berš o TV Zagreb sikavgja tikno dokumentarno filmi anavea “Devalvacia jekhe asajbaske”. O dokumentarno filmi sine bađo Arif Heralič rudari kaskiri slika sine čhivdi ki deš dinarka ko vakti tari purani Jugoslavia. Odova s hari manuša džanena si kaj o Arif nikana na dengja dpzvola leskoro liko te ovel čhivdo ki deš dinarka em panda pohari džanen oleskoro anav , kaj sine Rom em but džene mešinen sine le e Alija Sirotanović.
O Heralić vazdingja po glaso mujal i them em rodingja kompenzacia so nikana na dengje ole. Mulo ko čorolipa em bilaćho mentalno sastipa so sine rezultati taro oleskoro spori e themaja.
Odova dokumentarco sine mukhlo salde jekh drom em nikana pobuter ko TV sebepi so sine kerdi presia tari them , a posle sine notirime kaj odova dokumentarco sine mukhlo po greška a o redaktori taro filmsko programi sar sine mukhlo o filmi dengja peske ostavka.
