Utarali Makedonia mangel te legarel o Presidiumo e Organizaciake OSCE ko 2023 berš a olakiri kandidatura ka dekhel pe ko minsitersko mitingo so si tajsa ki Tirana , Albania so akava berš oj legarela.
I kandidatura si dendi prekal o Ministeriumi avrutne bukjenge tari Makedonia a ande deciziaja taro Govermento . O ministeri avrutne bukjenge o Bujar Osmani ko novembro vakergja kaj lilea informiringja e premiere tari Albania o Edi Rama so formalno I kandidatura ka ovel čhivdi em ki Agenda ko akava dekemvrisko mitingo taro OSCE.
I them akava berš nišankerel 25 berša sar si membro ko OSCE em akava si avgo kandidatura sar presedavači e organizaciake.
Ko akaleberšeskoro ministersko mitingo taro OSCE ki Tirana udžarela pe o them ate keren kontrakto ko alusar taro nekobor majimportantno pozicie ki akaja majbari regionalno arakhibaskiri organizacia.
