O romane niamia ko vakti taro raporto bašo COVID 19 iklile anglal te anel pe kanonikano propozali taro EU fokusirime ko maripa mujal maripa ko anticiganizmo ki sasti Europa. Palo kerdo raporto taro ERRC notiringja bare peravipoa e manušikane niamia ko 12 europakere thema – Albania, Belgia, Ungaria, Italia, Moldavia, North Makedonia, Romania, Srbia, Slovakia, Turkia em Ukraina. “ Sa dži kote ni jekh na diklja „e romane jekhinake sine brutalno maltretirime tari policia rasistikane atakoncar , zorea dislocirime taro pire khera , viktimia taro nacionalistoa bizi sastipaskiri protektiva em kreacia urgentno politike” vakerel pe ko raporto.
„Plengere čhavenge na sine mukhli kvalitetno edukacia , o romane mahale sine izolirime, pohanle telal karantini a o mediumia bokhale fantastično narealno artikloncar keren sine taro Roma kaj si monstrumoa. I pandemia kergja majbičačhi I situacia ki marginalizacia e Romane jekhinake so dživdinen ko naformalno mahale pherdo džene so sine čhivde ko rizično kategoria m bizo pani pijbaske, sanitarno kanalizacia em hajbe, Upreder sa o Roma sine maškar o grupe so sine majastarde ekonomsko em socialno presia tari pandemia vakerel pe ko raporto.
