Angleder 25 berša sine o majpahro teleperavipa ki Europa palo Dujto Lumiakoro maripa ki Srebrenica , Bosna thaj Hercegovina, kote o srpsko askerimudargje upreder 8.000 muslimania terne thaj phure.
25 berša palo masakr ki Srebrenica o terne manuša ko Balkani apelirinen dži ki lumia: “Na trubul te bistren so ulo. Te bistergjem odola bukja , ola šaj palem te oven a jekh Srebrenica te ovel palem” vakerel I Lamia Bravo tari Bosna.
Ki them ki tikni diz Srebrenica ko juli 1995 berš ulo o majpahro bibahtalipa ki Europa palo Dujto Lumiakoro Maripa . O internacionalno kriso akava bibahtalipa notiringja sar genocide.
„I Europa kergja feleri e Srebrenicaja”, vakerel I Gudrun Štajnakersar eks diplomato ki North Makedonia em Montenegro ki germaniakiri diplomatia sar džando e situaciakere ko Balkani vakerel: „Palo štar berša maripa em etinako užariba em konc logoria , masovno paldiba seksualno terori , valjani te džanel pe so šaj ulo sa”
