Pali akcepcia e konjukturno paketeske kote ki Germanija trubul te kerel pe sa te ikavel pe i them tari majphari recesia e Germaniakiri palo Dujto Lumiakoro Maripa , i kacelarka Angela Merkel anglal o žurnalistia vakergja:
„Keraja zori sare te ikljova majzorale tari akaja ekstremno situacia. Odoleske gindinav kaj akava akti si funda . O ministeri finansienge em vicekancelari Olaf Šolc dophergja: “ Mangaja tari akaja kriza te ikljova so majsig šaj” hramosarel o Deutsche Welle
Akale neve konjukturno paketi, o germansko govermento sar so si akcentirime te vazdel pe o ekonomsko aktiviteto kotr si reducirime taro ekonomsko aktiviteto ko anglutne masekoe sebepi i korona virusi.
Odova si šerutni diferenca ki paralela o akanutne konsekvence (phare nekobor šel milijarde eura) kote o kabineto tari Angela Markel mangel sako drom te čhinavel o procento taro bibukjarnipa te učharel o zijani upral o germansko dizutne em kompanie so kergje pe sebepi o pandemsko restrikcie.
