O pacienti so sine notirime sar avgo so si pozitivno ki korona virusi , akanaske si jekh. Olakiri sassti sastipaskiri situacia si lačhi em stabilno, na sikavel nišani taro komplikacie em šaj vakeraja kaj khuvel ki faza taro sasljaripa, vakergja ko press o ministeri sastipaske o Venko Filipče.
O persone so sine ko kontakt akale pacientkaja panda si ki kherutni izolacia telal medicinsko opservacia, em odova procesi džala ko pozitivno drumo.
O ministeri Filipče informiringja kaj I Komisia infektivno nasvalipaske ko Instituto sastipaske, dela propozalo te dikhel pe I opcia ko limitiriba ko pobare khedipaskere mitingia resarinaja te kerel pe prevencia ma te kerel pe šajdipa te ovel kontaktoa e personencar so avena taro regionia kote si havljardi epidemija taro korona virusi.
