E makednoakere dizutne sebepi pasporteskiri kriza em restrikcia ko deiba neve pasportoa ola chiden pee m taro turistikane angažmania em leiba than ko bukajrne em sportikane aktivitetoa avri tari them.
Taro MVR vakeren kaj pobuter taro 16.000 dizutne apliciringje em slikingje pen eve pasportenge , a isi salde 3.600 obrascia. Pasportia ka len 650 dizutne so apliciringje sar urgentno aktea. A o vaera sar prioriteti ka resen okola so trubul lenge te džan ko sasljaripa avri tari them.
Bašo biometrisko pasporto sako dizutne pukjinel 1.500 denaria (25 eura) sar regular akti, a pasporti sar urgent akti pukjinel pe 4.800 denaria (80 eura).
Taro Helsinško Komiteto manušikane niamenge vakeren kaj dena bilovengoro konsiliaro sa e dizutnenge te faislakeren em te den ko kriso e MVR , so aso o Kanoni pasportonge
Trubul te arakhel personalno dokumentoa e dizutnenge , em te kerel lovengiri reparacia sa okolende so isi len materialno kerdo ziani.
