O sistemi bašo keriba termini pasporteske ka ovel avrial tari funkcia sa dži ko na arakhel pe termini te nakhavel pe o problem taro deficit formularenge akale personalno dokumenteske.
Akava notiringja o tehikano ministeri andrune bukjenge o Nakje Čulev so potenciringja kaj ka kerel rodaripa ko MAB te locirinel pe kaskoro si o džovaplipa akale problemoske.
-O problem personalno dokumentencar, ID karte em trfikoskere sertifikatia si nakhlo. Ama o pasportoa ačhol o problem em si rezultati taro bilačho kerdo plano em but hariba e neve naračkake.
Ov vakerel kaj dži akana si aplicirime 16.500 aplikacie bašo pasporto prekal regular akti, a e MAB isi salde 3.600 apsortongere dokumentia . Okola so apliciringje bašo urgent so si paše 650 ola ka procesirinen pe.
O Čulev akcentiringja kaj sa dži kote na nakhavel pea kava problem nane te ovel apliciriba pasportenge ni regularno nit urgentno akti.
O ministeri akcentiringja kaj ko govrementeskoro dikhiba palem ka vakerel o problem resarinaja te nakhavel pea kava problem.
