Ko nakhiba e masekoske novembro prekal o proekti “ Zorakeriba e romane džuvljake ki Republika Utarali Makedonia” sine organizirime pobuter mitingoa terne Romencar so kergja pe diskusia e tikneberšengere prandinenge, o faktoria em konsekvence thaj lende napia so keren pe tari rig e institucienge te čhinaven akava fenomeni.
Ko diskusie lena sine than taro pobuter 70 terne Roma nesave džana sine ki maškarutni škola, em sine asavke so mukhle e edukaciakoro proceso.
I resarin taro akala dikhiba sine prekal diskusie em video storie o terne te informirinen pe bašo rizikoa te khuvgje ko tikne berša ko prandina , em preventivno aktiviteto taro čhavorikane prandina ki romani jekhin.
