O bilačho logoro ki Banjica kote piro dživdipa našavgje baro numero Roma em Jaudie formirimo si palo ando dekreti tari germansko okupatori ko 1941 berš em sine ki funkcia dži ko 3 oktobro 1944 berš.
Baši lokacia sine dendi I nekanutni kasarna taro 18 Pešadisko puko ki Banjica. O avgo phanle sine ande odothe em sine Roma thaj Jaudie ko 9 maj 1941 berš.
O sasto numero taro mudarde nane te džanel pe nikana soske o dokumentia sine eliminirime ko 1943 berš , a but taro trupia so sine mudarde sine parume trujal o logoro a palo o mariba sine legarde ko aver thana jali eliminirime odolea so tharena len sine ko vakti kana našena sine o germansko em kvinsliško trupe.
O viktimia ko logori Banjica majbut sine elmirinime agjaar vakerde notaciaja „konsekvenca taro periba pišmani“ so palo dendo dekreto kaj bašo jekh mudardo germansko skeri mudaren sine šel civilia, a bašo sako jekh ratvrado germansko askeri, egzekutirinen sine 50 civilia.
