Krisime bašo kinobikiniba čhavencar o Alija A. (51) thaj Mehmed B. ( 47), a krisime bašo seksualno terori ušral čhavo o Ismet B. (19), negirinen sine akava akti anglal Fundavotno kriso ki Banja Luka.
O avgokrisime Alija A si krisime kaj ko 10 januari akava berš ko Doboj e Muhamed B. Phanlja lafi te bikinel pire 13 beršengere čhaja A.A bašo 500 eura te šaj zoresa te prandinel pe e Ismet B. , aov si notirime kaj kergja seksualno atako upral tikni čhaj i A,A,
O sasto akti sine notirime ki policia kana i familia taro Alij načali taro „dende love“ so sine bikimi i tikni bori . O kontrakto sine paše 1.200 eura, a sebepi so sine lenge dende salde 500 eura, kote palo odova taro „džamutreskiri“ familia sine rodime te kinen em somnakaeskiri angrustik „Armani“ em 500 kvadratia phuv.
Karakteristikane si kaj o Alija trujal akaja 13 beršengiri čhaj isi le panda javer 11 čhave, a o Mehmed trujal o Ismeti isi le panda 13 čhave.
Sa o krisime si ko tromalipa, a i 13 beršengiri A.A. si ko domi ki Tuzla.
