O Naser Abazovski si manuš so barilo ko domi bizo jeria ko Skopje. Avdive o Naseri si le romni em jekh čhavo , ama I stituacia taro Naseri si but phari.
O Naseri sovela ko droma , barabutne pe romnjaja em e čhavea so I tikno čhavo nasvalo si taro hepatit. O Naseri nane kote te dživdinel , a I them na dela le nisavo dumo.
Sar so vakerel o Naseri bašo mediumia nekobor droma rodingja e ministerka baši sociala I Mila Carovska , ama dži akana oj khanči na kergja oleske.
-I ministerka Mila Carovska te lel desave konsekvence, te ovel transparentno em phravdi em ma te khelel pe e manušencar. Me rodav suporto taro manuša, ama ni jekh na del suporto.
Rodav suporto tari them akale tikne čhaveske te kerav khanči. 24 časora siam pe droma, nane man nisave love, em rodava me niamia sar sa o javer manuša.
