I Asociacia e Romane Naciake – Associazione Nazione Rom (ANR), dengja kriseskoro akti dži ki Gvardia si financa thaj o Ombdusmano ji Naoili o Antonio Pozielo e dizjakoro šerutno ko Guilianio ki Kampania. o akto oficialno ka ovel ratifikujme dži ko institucie.
I doš e kriseske si soske ola došakeren sine baši “motivacia rasno natolerancia thaj terori” mujal i romsni Sinti jekhin (RSC) thaj “hohavipa em manipulacia” e jekhina bašo love so dengja len o Ministeriumi andrune bukjengje thaj e Regioni baši inkluzia so dži ko avdisutno dive nane kerdo ni jekh kher- apartmano, škola, sastipe thaj buti.
E dizjakoro šerutno Pozielo bizi ni jekh konkretno fakti , šubikerel e saste jekhina bašo čoriba, thariba, gunoj thaj vandalizmo upral dizjakere ofisora.
Ko 10.05 2019 berš e dizjakoro šerutno o Pozielo dislociringja akale dizutnen: našavdile bare love 915.418,29 eura so sine dende taro Ministeriumi andrune bukjenge thaj o Regioni tari Kampania olengere inkluziake.
Taro tegani o RSC dživdinel ko Guilianio , ko droma, bizo pani, sanitaria , elektrikani energia , ko but phare higiensko sanitarno šartia. Ko si akana kriminalco? Pučena e Kriso ko Napoli.
