E dizjakiri kasa taro Niš si ko minus 300 milje eura thaj o rebalans si kerdo karanaja so nane te keren pe o planirime khera e Romenge ko Stočno pazari thaj nadžanel pe ka kerel pe li o duvar ko niško kale bašo 2019 berš
O Rebalansi akceptiringja e dizjakoro Konsilo ko Niš thaj o budžeti si paše 5 milionia eura. Taro konsilo vakeren kaj i Kasa e dizjake ko Niš si ko minus 300 milja eura.
Trujal o bajraripa e budžetoske sine em minimizirima desave proektonge. Majbaro minimiziriba sine e Ofiso taro lokalno ekonomikano aktiviteti so nane te keren desave proektoa, sar so si o khera e romenge.
Ola vakeren kaj olendar sine rodinde te keren rebalansi em reduciriba ko budžeti akale beršeske em ola kergje le paše 150 milje eura.
