Angleder jekh berš i fotografia tari Anamaria , romani čhaj so sine ko podiumo sar šampioni ki atletika, uli viralno fokuso an i Čehia thaj Slovakia ko socialno netvorko. Trujal so olakiri familia si ki bilačhi finansisko situacia thaj dživdinel ki improvizirimi baraka ki romani mahala Molvava ko Bodvu, oj ki konkurencia taro upreder 400 čhave uli šampionka ko prastajbe ko 750 metria.
Olakoro talenti sine notirime taro lokalno atletsko klubi so počmingja olaja te trenirinel thaj ko jekh finansiski te suportirinel ola. Avdive palo jekh berš treningoa oj si majđukare ki olakiri kategoria ki purabali Slovakia.
E Slovakiakoro nacionalno mediumi RTVS kergja lake storia. I Anamaria trenirinel štar droma ko kurko thaj si majšukar ko olakoro klubi.
“Oj si atletičarka ko maškarutne droma. Ko akava momenti oj si majšukar atletičari ki Purabali Slovakia ki kategoria phureder junioria.” vakerel o Norobert Pece presidento ko legendarno atletsko klubi e televiziake RTVS.
