Ko gav Lopatki ko pašipa taro Čemodanovka (regioni Penza) sine bari jagakiri stihia kote dživdinena o Roma. Akaja informacia sine editirime prekal socialno netvorko so informirinen sine e situaciake.
Liparibaske si kaj anglutne sine masovno fizičko konflikto maškar o lokalno gadže thaj o Roma taro odova gav, kote ko vakti taro odova verbalno thaj fizičko konflikto mulo thaj jekh manuš.
Prema o ЕМERCOM,i bari jag uli idžerati ko 21:46 prekal moskovsko vakti. Nekobor dživdipaskere khera thaj objektoa saste thabile. “Akanaske nane informacie kaj isi viktimia” vakerel o Ministeriumi.
O socialno netvorko vakeren kaj akava konflikto majpakjavutne si šerutno motivi akale jagale stihiake. O guvernero e regioneske thaj o šefi taro IC Alexandar Bastrikin informiringje kaj ola interveniringje ko vakti e konfliktoske maškar o lokalno gadže thaj o Roma.
Ko jekh angluten o dizutne taro Čemodanovka blokiringje o drom palo masovno maripa. E romengere representoa vakergje kaj o lokalno dizutne kergje akava konflikto.
Link: https://en.crimerussia.com/gromkie-dela/gypsy-village-near-chemodanovka-catches-fire/
Video: https://www.youtube.com/watch?v=QXrgUhr8bXs
