O konsiliari an i komuna Tuzla m BiH ko akana kerdi pres konferencia vakergja kaj si kerdo bilačhipa e lovencar so sine dende te keren pe khera e Romenge an i teritoria ko BiH.
Ov akcentiringja la sar egzamlplo i organizacia HILSWERK tari Asutria so realiziringja o proekto taro stambeno bloko ko 6 khera ko proekto „ROMA ACTION“ Tuzla kote si zijankerdo o budžeti e dizjake Tuzla thaj tari Europakiri Komisia.
„Love ko učipa taro 40.000 eura, o Hilswerk International Austria, tari diz Tuzla lelja 20.000 aeura an o 2013 thaj 20.000 aura an o 2014 berš. Trujal odola 40 mile eura odoja organizacia em tari Europakiri komisia ljelja panda paše 120.000 eura, vakergja o Jusić.
Aso oleste kergja li neko kontrola odole objektonge taro 6 khera ko Kiseljak.
Premal o kontrole ko odola šov khera nane kerde premal o dende proektia em plania. Nane kerde prekal dendo stanbdardi o kvaliteti e materijaleskoro em nane kerde dopherde elementia so isi len ko proekti.
„Sar egzamplo akcentirime si kaj ko sobe andre trubul sine te čhivel pe parketi tari I kalsa, a ola ćhivgje nesavo laminati so si dur taro I klasa thaj aver anomalie.
Sa o akcentirime raposrtia taro krisoskoro kontrolori si bičhavde dži ki Europakiri Komisia thaj aver internacionalno institucie.
