An o 7 maj an o Skopje bašo avgo drom ka doresel o Papa Francisk. Oleskiri vizita dikhel pe sar historikani, soske perel paralelno e 25 berša taro konektiriba diplomatsko konekcia mašakr i Utarali Makedonia thaj o Vatikan.
Oleskiri agenda ka startujnel ko javinakere saatia thaj udžarel pe an o Skopje te aven but kherutne thaj internacionalno persone so den suportho e Papaske.
Ko 7 maj o Skopje ka ovel blokirime , numa e themakoro sekretaro Viktor Dimovski vakerel kaj o siguriteti an i them ka ovel an o maksimalno nivelo.
Tari policia vakeren kaj ak keren pe sa o kanonikane siguritetno aktia bašo sasto thaj efikasno sekjuriti akale akteske thaj e uče misafireske.
Palo oficialno dodžakeriba o Papa Francisk ka dikhel pe e presidentea o Gjorgje Ivanov, e premierea Zoran Zaev thaj membria taro NGO sektori thaj diplomatsko učipa. Ko vakti tari oleskiri vizita ka dikhel pe thaj e religiakere liderencar thaj e čorolencar.
An i programa bašo apostolsko dromaripa taro Papa an i Utarali Makedonia ka ikerel thaj liturgia thaj udžarel pe te len than o ekumensko thaj interreligiakoro khidepa e ternegoro. O Papa Francisk an o piro 29.to apostolsko dromaripa ka agorkerel ko mismeri an o 7 maj , dikhibaja e opatencar thaj olengere familie palo so ka iranel pe an o Rim.
