Trendi si kaj isi organizirime migracia tari Bugaria an i Germania. Majbut taro 81.000 bugarsko čhave resena suporto tari germasnsko them , informirinel i Nova TV. Aso o informacie saste romane mahale tari Bugaria džana thaj ačhovena an o getoa ko Dusiburg thaj Dortmund.
Ponuter taro 11.000 Bugaria dživdinen palo aviba an i EU an o Duisburg. Akata migiriringje saste mahale tari utarpurabali Bugaria. Okova so anel len akate si o germansko sistemi. Agjaar si thaj an o Dortmund – suno e dizutnenge taro Stolipinovo ko pašipa taro Plovdiv thaj odote da si agjaar.
O čhavorikane love so dena pe si šerutni mangin e manušengiri so džana peske taro Stolipinovo, An i Germania čhavorikane ekstra love si paše 200 eura ko čhavo. Šarti si jekh taro jeria te ovel le kontrakto bukjake bašo 450 eura ko masek jali salde adresa tari riegistracia e thaneske kote so ka dživdinel. Niko an i Germania našti vakerel si li čače odola manuša odothe palo odova numero o čhave so si registririme te len asavke love.
