Tikni romani čhajori (14) thaj olakiri paše familija (9) chidingje te udžaren o nevo berš ki olengiri paše amalin thaj o duj da našavdile.
O dat šokiringja pe kana javinate an o 1 januari akhargja po telefono e paše amalinja tari i čhaj thaj havgja kaj oj na sine odori ko vakti taro Nevo Berš.
I Sunita Garip (14) thaj olakiri paše familia i Amela Rušit (9) našavdile ko 31 Decembro 2018 berš paše ko 21 o časo. O duj čhija chidingje te udžaren o nevo berš thaj taro odova vakti i familija na dikhlja len.
O duj chidingje taro Dorčol te džan ko Krnjevo ki amalin. Taro odova momento nane nisave informacie.
– Olengoro našavipa notiringjum le ko 1 januari . Gindinav sine kaj resle ki pli amalin thaj na mangljum rano javinate te rodav len soske mislinava sine kaj sovena panda. Numa kana zvoningjum ki amalin e Sunitakiri oj vakergja kaj ola ni na ale erati ko doček e neve beršeske. Geljum an i policia thaj notiringjum olengoro našavipa.- vakerel o Aribi Dina o dat e Sunitakoro.
I Sunita odova dive sine uravdi ki pink jakna, farmerke thaj patike.
Odoleske notirinena kaj savore so isi len informacia e Sunitake jali e Amelake te informirinen an i policia.
