O čorole an i them raritetno resen dži ki jurisdikcia -pravda ko krisoskere institucie.
I pozitiva taro Kanoni baši bilovengoro jurisdikciakoro suporto phareste šaj te istemalkeren le a e neve kanoneske udžarel pe ake sasto berš , soske tari rig e NGO sektoreskiri sine but notirime anomalie palo so o resorno ministeriumi irangja o kanoni thaj akana kerel korekcia. Ko maškar vakti i Asociaci Terne pravnikia den suporto e socialno čorole kategoriake familie.
O advokati Panče Dokuzov notirinela kaj o socialno čorole familie na džanen te phraven kriseskoro akti , soske e kriseskere takse trubul te pukjinen olen.
Aso o Dokuzov an i kreacia e neve kanoneske ki bilovengiri jurisdikaciakoro suporto trubul te oven konektirime thaj advokatia , so ka sikaven piri praktika thaj džanlipa. Ov notirinel kaj an o kreiriba akala kanonia trubul te keren buti ekspertia tari akaja fela , a na aver salde te kopirinel desave aktia taro europakere thema.
Kanoni baši bilovengoro jurisdikciakoro suporto startujngja te implementirinel pe angleder ofto berša. O aktia si restriktivno thaj realno asavko suporto šaj te pakjan kaj ka ovel olen salde 18.000 dizutne an i them.
