O morbilia si but infektivno nasvalipa. paše 9 taro 10 persone so sine an o kontakto nasvale manušea šaj te inficirinel pe , so taro jekh an o aver legarel pe salde 2 časonge kana o nasvalo ka ikljol taro odova than.
Paše 15.000 čhave taro Skopje dži ko 14 berša nane vakcinirime mujal o morbilia thaj aver infektivno nasvalipa, trujal so i epidemia taro morbilia so si havlajrdi an i mahala Radišani, tikno numero čhave sine legarde te vakcinirinen pe palo dendo apeli taro sastipaskere institucie.
O resultatia si bibahtale ko čhave so si biame persi berš ko Skopje – pobuter taro ekvaš olendar si navakcinirime, a 1/3 so si len salde jekh berš nane vakcinirime taro infektivno nasvalipa.
O epidemiolozia notirinena kote majminimalno kerdi vakcinacia taro MRP vakcine an o komune Centar, Karpoš thaj Aerodrom, kote jekvaš taro o čhave nane len vakcina.
Ko jekh majučo procento tari kerdi vakcinacia si an i komuna Sopište, kote sa o čhave si vakcinirime, a ko komune Šuto Orizari o procento taro bizi vakcina si 9,07 %.
