i Gazeta “Vijesti” taro Montenegro akharibaja an o informacie taroOfiso e policiakoro, havljarela kaj o Ex makedonikano premiero Nikola Gruevski so si ko egzili iklilo taro Montenegro diplomatsko vordonea “Folsvagen Jetta” registrasko tablicencar CD 1023 kote sine thaj duj hungariakere diplomatia , Kusler Antala thaj Varsalvai Šaba, diplomatsko pasportencar.
O Gruevski aso i informacia , an o Montenegro khuvgja an o 11 novembro an o 19:19 o časo, a no simantrakoro nakhiba Božaj, a aso o informacie taro Vijesti, istemalkerel sine personalno identifikaciakiri karta ko oleskoro anav.
-I teritoria taro Montenegro iklilo odova dive kana reslja ko simantrakoro nakhiba Dobrakovo , an o 22:16 o saati. An i Srbia khuvgja vordonea registarsko tablicencar 55A05 kote sine o Časar Josef Zoltan thaj Feledžazi Šaba . E dujen da sine len diplomatsko pasporto tari Hungaria vakeren o “Vijesti”.
An o oficialno sajto e hungariakere Ambasadake an i Podgorica , tegrjol kaj o Zoltan si Hungariakoro vice ambasadori an o Montenegro, a o Šaba si konzuli. Trujal i Ambasada an i Podgorica , e Hungaria si la konzulato thaj an o Herceg Novi.
Ki notacia taro policiakoro ofiso akcentirinel pe kote i policia taro Montenegro ko akava akti kerel sine buti aso kanonikane procedure.
I policia taro Montenegro dengja tikni informacia akaj o Ex makedonikano premiero Nikola Gruevski khuvgja ko Montenegro an o 11 novembro thaj odova dive iklilo tari them thaj i policia taro Montenegro ola saste ikergje pe ki sasti procedura . Numa an i vaktavin na sine informacia sar o Gruevski khuvgja an i them thaj taro savo simantrakoro nakhiba iklilo.
