O Samka Ibraimovski ko sig vakti ka ikavel pire ministere an o Govermento ko Zoran Zaev. Sar so del informacie o portalo “Skopje1” ko sig vakti ka ikavel e Ministere bizo resoro o Aksel Ahmedovski.
Naoficialno akava avela sar konsekvenca soske o akana chidime an i rig Aksel Ahmedovski iklilo tari kontrola taro Samka Ibraimovski thaj o Aksel startujngja te kerel lobi te ikavel e Samka sar lidero an o PCER a ko maškar vakti thaj o deputato Amdi Bajram ačhilo an i riog e Samkaske sar moralno suporto.
O Samka Ibraimovski bašo “Skopje1” vakerel kaj ka avel vakti kana ka vakerel soske ikavel tasri ministersko fotelja e Aksele em vakerel kaj oleste ni jekh našti huljavel le tari lidersko pozicia an o PCER. Sar ov mane ka ikavel man kana me sium presidento an i Partija?
Soske ma te ovav lideri majodorig da dži ko 2020 berš kana o membria roden mandar me te ačhovav thaj majodori sar lideri. Džanel pe sar šaj peravel pe presidento odova šaj jekhutne an o Kongresi. Ko kamel te kerel korkro Kongresi neka kerel odova si oleskiri buti.
Me sium presidento dži ko 2020 berš pa ka diukha dali palem ka ovav kandidati bašo lideri jali ka ovel neko aver ” vakergja o Samka Ibraimovski bašo portalo “Skopje 1”
O Amdi Bajram saste ačhilo palal o Samka Ibraimovski thaj akcentirinela kaj o Aksel na džanel thaj ni i Romani čhib.
Amen e Samkaja siem an i koalicia. O interesia si amenge prioriteto sar o Roma agjaar thaj i Makedonia. O ministeri na čhivgja e Samka te ovel lideri, ov kerel nakvalitetno buti thaj na dikhav nisavo sukceso an i oleskiri buti sar Ministeri bizo resoro.
Ov nadžanel ni Romane . Ov si taro delečvo thaj nane le but džanlipa.
Dav suporto e Samkaske te kerel trampa thaj te čhivel peske pativale manuše, a na manuš so randela limor oleske. O Samka akceptiringja le sar ministeri. Odova Aksel nane le ni elektorati ” vakerel o Amdi Bajram bašo portalo “Skopje1”
