Te na sien sine Rom ma legaren šeja taro romane tematike ko Halovej. Thaj ma notirinen tumen kaj sien Roma soske gindine kaj isi tut tromalo ilo. Jali soske sien sine an i India , jali pakjana an o čakre, jali dživdinena ko desavo kamp karavani jali aver. Akala aktia si rasistikane mujal o Roma. Odova anavkerdo si sar aniromani hoš.
Akaja specifikani forma taro rasizmo si legardi mujal o Roma, Sinti, Travelsia, Manusha, balkansko Egjipkjania, Aškalie, Enišia thaj aver forme so si definirime sar “Roma” ki sasti imaginacia.
Bibahtake isi buteder ko odola bibahtale vorbe thaj desave limitirime lepime forme. Mangipaja te kera maripa mujal akava fenomeni trubul te havel pe thaj te kera hor analiza akale problemoske.
O antiseminizmi jali i islamofobia si šaj majpašeste analogie numa ni hari našti te kerel pe paralela.
Odova si soske nane salde negativno notirime anti romni hoš , bilačhi retorika jali negativno stereotipia. odova si majdur, majzorale tamikerdo ko buteder europakere sasoitnipa. Odle si le jekvaš veko darhinalipa tari natolerancia, napakjiv thaj paldiba so salde taro dive ko dive bajrola amforno sa so anel o vakti.
I diskriminacia mujal o Roma nane salde rasizmo: oj si europakiri komponenta so bajrol barabutne e eruopakere civilizaciajaj taro nakhle purane vaktia.
