Ki akana sig ikerdi bešin taro Govermento e RM dengja dekreto kaj ka del suporto bašo 240 specializacie thaj 112 subspecializacie. Oj akceptiringja i programa ki trampa an i programa ko zaruripa taro specializacia thaj subspecializacia aso o netvorko taro sastipaskere institucie bašo 2018 berš.
I realizacia akale programake bašo zaruripa taro specialističko thaj subspecialističko kadari so ka kerel numero stručno profesionalcia ko normalno, kvalitetno, efikasno , kontinuirime, efektivno thaj racionalno keriba sastipaskoro aktiviteto ko sastipaskere institucie.
Ko jekh o Govermento sikavgja jekh piri percepcia sar nasikaviba intereso ki jekh etnikani jekhin – o Roma!
Avgo drom an i historia e Makedoniakiri jekh Rom konkuriringja baši subspecializacia thaj na sine akceptirime!
Kerel pe lafi bašo doktori taro Gostivar romane nacionalitetea – Arif Pini. O D-r Arif Pini si Specijalisti pali Interno medicina so si tari i romani jekhin thaj si bukjaja an i Sastipaskiri institucia “Ferid Murad” an o Gostivar.
Pali havljardi lista taro suportime aplikacie baši specializacia thaj subspecializacia ko socialno netvorko sine reakcie kote majbare kritike sine bičhavde premall o romano politikano faktori so si kotor taro Parlamento thaj Govermento an i Makedonia. O reakcie an o socialno netvorko sine sikavdi holi mujal o romane političaria komentarencar: ” Mukhen o funkcie thaj džan tumengekhere!”, ” Chiden tumare vasta taro Roma” thaj ” I Makedonia na interesirinela la e romane integraciake”.
Trubul čače analiza e lende akcienge tari rig akale problemeske thaj o pasivno thaj nasikavdo intereso aso relevantno politikane faktoria mujal o romane problemia.
A šaj si thaj refleksia ko desave anglutne dende stavia taro D-r Arif Pini an i konekcia e romane pučibaja ko saste sastipaskere politike.
