O presidenteskoro kandidati Petar Kejsi arakhela pe taro komentaria thaj iraniba piri kandidatura kana vakergja kaj o Roma thaj o Travelsia na trubul te oven verificirime sar etnikani jekhin , soske ola ” an i funda si manuša so dživdinen ki na olengiri them em nelaglno lokacia”.
O biznismeno počmingja o atakia upral akaja jekhin vakeribaja ” Ola na pukjinen piro kotor ko danokia e themake”.
Akava oleskoro dikhiba sine motivirime kana persi berš tari rig taro Dail sine formalno verifikujme o Travelsia sar ekstra etnikani grupa an i them.
O Rajo Kejs vakergja: ” Odova si baro dilinipa. Ola nane Roma jali avera”.
Kana sine notirime kaj si bilačhe so kerel asavke lafia tari rig e “Independent.ie”, o Kejsi palem ačhilo an i piri notacia vakeribaja kaj kana akala Travelsia aven ko desavo kvarti “peravena i moldi e kherengiri”.
“Ajde te kera analiza. Tumaro kher savi moldi ka ovel le ako si pendžardo kaj ko oleskoro pašipa isi ili nakhena Travelsia em asavke familie”.
Ov akcentiringja o konflikto an o Tipperary, kote isi šov čuče khera thaj si moldipaja taro 1,7 milionia eura, soske so o familie so dživdinen ko odola nalegalno lokacie isi štale grastenge.
“Bibahtalo sium soske isi seriozno baro feleri an o sasoitnipa kana siem an i odoja faza” vakerel o Kejsi.
