Akava akcentirinel pe an o membro 278 taro Kriseskoro Kanoni an i Bugaria, an i konekcia teleperavipa protektirime lokaliteteske.
Faktore sebepi so i romani giljavutni Sofi Marinova zijankergja o bara an o lokaliteto so sine snimime o spoti e giljake ” Mili, Mili” barabutne an o dueti e Gringoa informirinen o bugarskop mediumia.
Ko odova kanoni tergjol kaj: ” Okova so ka zijankerel desavo prirodno protektirme objekto thaj odolea kerel zijani , šaj te ovel krismie 2 berš phanlipa jali sasti butikeriba e themake. Aso o Kanoni te na sine bare ziania , numa si kerde tikne, i persona ka pukjinel 20.000 levia.
O manuša so dživdinen ko pašipa e lokaliteteske vakeren kaj o zijanipa šaj ulo e beršencar sar nakhena so o manuša uklena ko odola bara so aven odothe sar turistia. O korkoro lokaliteto si sar prirodno fenomeni thaj kanonea si protektirime an o 1974 berš sebepi o but raritetno džanvaria so isi sar so si o orlo – sapalo, egipetsko mršojadci ili špansko kamenjarka.
I korkoro Marinova vakergja kaj o video spoti si kerdo an i odoja lokacia anavkerdo sar Barale pečurke.
Beršencar napalal isi legenda kote akala barale pečurke sasljaren sine manušen taro kanceri.
“O barale pečurke nane len medikamentsko faktori, ola si em riziko e sastipaske soske si len elementia sar so si klinoptilotit so si riziko” komentiringja o mineraloteraputi Gergana Miteva, hramosarel i “Bugaria denes”
O karpe si kerde taro vulkansko tuf thaj barali forma – reoliti. Bibahtake beršencar napalal ola si but zijankerde sebepi so aven but turistia.
I Miteva vakerel kaj baro numero pečurke si zijankerde soske o manuša so trujal so avena , ola phagen o karpe te len len sar suveniri. Angleder desave berša o manuša so roden somnakaj miniringje o majbaro thaj malačho sunghjeri ko regiono. Ko jekh em o meteorološko faktoria ko jekh keren baro ziani upral o karpe thaj o bara an i olengiri erozia.
Link: https://petel.bg/Sofi-Marinova-se-metna-varhu-zashhiten-obekt–grozyat-ya-2-godini-zatvor__287270
Youtube: https://www.youtube.com/watch?time_continue=1&v=jNJVg8hYWao
