Konektiribaja e čhaven taro socialno kategorie ko gradinke, ki buti te čhivel pe jekh taro jeria , majšukar edukacia, lačhe šartia kherutnipaske, si salde kotor taro propozalia taro NGO solea ka našavel pe o problemo mangipa devlenge pe droma.
O čhave so si pe droma si sar sasoitno problemo deceniencar si problemi thaj an o tetovo. Ola maškar o vordon pe droma thaj ko thana kote isi bari frekfencia taro manuša notirime si akala čhave so mangen lovr taro manuša.
Taro NGO Resursno centro an o Skopje vakeren kaj o tikno nivelo protektiva e Romane čhavenge si šerutno faktori so isi mangipa pe droma tari akaja jekhin . Olengiri beršeskiri analiza sikavel kaj 35% taro Romane čhave an i Makedonia dživdinena an o supstandardno šartia thaj direktno kerel presia upral olengoro kvaliteto taro o dživdipa.
O romasne čhave si jekh taro civilno grupa so si socialno teleperavdi kategoria ko olengoro personalno buvlajripa. Ikljoviba tari edukacia , mangipa devlenge, nanipa dookumentacia, problemi ki registracia, reintegracia an i edukacia e e čhavenge so si irame taro familie so rodingje azili an o EU thema, bilačhe šartia dživdipaske , bilačhi konverzacia an i makedonikani čhib, diskriminacia, delikvencia thaj bibukjarnipa thaj bilahi ekonomsko situacia , teleperavinba o čhavorikano butikeriba, si šerutne problemia so keren barikada an o normalno čhavorikano buvljaripa.
Jekh taro jeria so si marginalizirime , te ovel an i buti, Ola našti socialno lovencar te egzistirinen . Te arakhel pe lenge nesavo kher te šaj o sistemi kerel opservacioa upral olende ko kavlitetno jeriengoro niami” notiringja o Dragan Zmijanac taro “Megjaši.”
O mangipa devlenge si kontra o kanonia thaj asavke peravibaskoro kanonikano akti is globa taro 15 dži ko 50 eura. O jeria jali aver persone so indirektno ka involvirinen pire jali avere čhaven ka šaj te del pe lenge kriseskoro akti vakeren taro institucie. Odova akti krisinel pe phanlipa majhari pandž berša.
Link: https://www.slobodnaevropa.mk/a/29510438.html?utm_source=daily.mk&utm_medium=daily.mk
