O Ahmed Ademović si biame 1873 berš an o Leskovac so ko odova vakti sine telal Osmanlisko thagaripa. Sine le pandž berš kana palo Srpsko – Turkiakoro maripa thaj o Berlinsko Kongreso reslja statusi sar themutno an o Thagaripa Srbia.
Ov sine kotor thaj tari Srpsko askeri ki Jekhto Srpsko armada sar trubači kote pire heroizmoja kergja iranipa an o pendžarutno Kumanovsko mariba ko 24 oktomvri 1912 berš.
Odoleske sine dendo leske ordeni Karagjorgjevo čeren mačencar . Odoja viktoria e Srbiake sine irame o Kosovo. O Ahmed sine Rom. Trujal o ordeni ko jekh khuvgja ko sikljojbaskere lila an o rusko thaj francusko askereskere akademie sar egzamplo kote o džanlipa jekhe normalno soldateske šaj te iranel jekh maripa thaj odolea thaj i historia.
Ko jekh an i mahala Mirijevo ki komuna Zvezdara an o Beograd, leskoro anav legarela jekh drom.
O dujto Rom si o Rustem Sejdić biame an o 3 januari 1892 berš ko gav Bojnik trujal Leskovac. Ov da sine trubači an o pendžardo Dujto pešadiakoro polko e srpakso askereske “Knjaz Mihajlo”. Odova polk sine a kotor e Moravsko diviziake. O Sejdić sine ki jekhto četa ko Trinto bataljoni odole polkoske.
Palo o baro maripa o Sejdić sine phursarkedo Albansko spomenica, soske e srpsko askerea nakhle prekal i Albania , numa bibahtake na džanel pe i data kana ov mulo.
Numa džanel pe kas oleskoro unuko o pendžardo trubači Feat Sejdić (1941 – 2017), „Thagar an i Guča„ thaj „Thagar e trubake„ si manuš so bašavgja e Titoske, e Thagarutnake Elizabeta II e Šarl de Gol thaj Orson Vels.
Diferencijaja taro Ademović e Sejdić panda nane le anav nesave dromeske an i Srbia.
